龍年舊曆過年咧欲到矣!阮先佮囡仔講古冊:「恰恰想欲過年」，冊裡紹介真濟過年的代誌，對筅黗以後講起，就準備過年囉，家家戶戶大摒掃，厝邊頭尾人放炮，全家做伙吃腥臊。
講著過年時，食的物件，實在是真趣味，毋但食伊的健康，食伊的祝福，閣食出伊的意義，譬論講，食瓜子予你過好日子，食魚予你年年有餘，食長年菜予你好命活百二，食水餃予你金銀財寶滿滿是。閣教囡仔正月正時，愛講一寡好吉兆的話，譬論講:蘋果(平平安安)、柑仔(大吉大利)、魚(年年有餘)、王梨(好運旺旺來)、菜頭(好彩頭)。最後阮閣????囡仔去行春，共校長拜年。
佇元宵節時陣，鹽水的蜂仔炮全國有名，逐家攏放蜂仔炮敬神，佮囡仔介紹傳統故事，同時臺灣燈會這擺嘛佇咧台南，嘛希望小朋友會使佮爸母做伙去欣賞燈會過元宵。

過年時的代誌，實在是澎湃閣趣味，過年的重頭戲，就是向厝內的序大人拜年，上歡喜上重要的就是，一家伙仔，團圓過好年。
阿明佮阿湲????阿嬤對阮講起in孫，因為老師紹介過年的風俗佮食食了後，就認捌真濟過年的代誌，閣會唱歌跳舞予伊看，實在有夠古錐。最後希望逐家攏平安無代誌，祝福逐家:健康快樂、平安如意，年年賺大錢。

照片說明：
佮老師做伙講過年吉祥話、看”恰恰想欲過年”古冊
逐家做伙來做過年吊飾，佮老師做伙跳”歡喜來過節”、共校長拜年
佇元宵節，製作DIY攏來台南看燈會
介紹鹽水的蜂仔炮故事，聽老師講古