幼兒園逐个月攏會過生日，所有的囡仔同齊唱歌、歕蠟條、食雞卵糕、領生日禮物。生日的人有準備小禮物予同學，小朋友對生日的人講祝福的話。小朋友手攑懸當做蠟條，生日的人用手擛風，逐家攏感覺真趣味，耍甲足歡喜。後來，小朋友用各種無仝的柴角仔做出一個水果雞卵糕，鬥陣唱生日快樂歌，嘛曉會用台語介紹雞卵糕的水果名喔！

過生日時學校會準備一個大大的雞卵糕，是全班小朋友上介歡喜的日子，逐家鬥陣唱生日快樂歌，有的小朋友佇厝已經習慣講台語，所以嘛自然會曉用台語唱，其他的小朋友就會綴咧唱，小朋友教小朋友，加上是用唱歌的方式，學習的速度特別快。上驚喜的是，小朋友自己用柴角仔做雞卵糕，還會曉用台語介紹水果名，可見平常學著的，小朋友攏有印象喔！

照片說明：
小朋友佮雞卵糕翕相
生日的人歡喜吃雞卵糕
小朋友手攑懸當做蠟條，生日的人用手擛蠟條
用柴角仔做水果雞卵糕