這學期的沉浸式閩南語課程用『咱的囡仔歌-菜瓜開花』的冊來起鼓，主要是這是一本閩南語唸謠，內面的內容主要攏是紹介佮囡仔生活當中會出現的物件，親像『菜瓜』、『花菜』、
『塗豆』…等等各種青菜、果子等等，而且這本閩南語唸謠冊內底，藉著有韻調的詞語，予囡仔閣較有興趣來唸謠，增加課程的趣味性，期待這學期日頭班的囡仔會使歡喜用閩南語來唸謠喔。

這本趣味的閩南語唸謠，我有事先製作冊內底的圖片佮閩南語的卡片來做對照，經過第一擺的紹介，予囡仔先講出冊內底的青菜佮果子，並且予囡仔透過閩南語的對話，予囡仔用閩南語講出「我上愛食啥物?」的句子來進行對話，慢慢仔才閣再加入青菜的閩南語唸謠，阮先來唸囡仔上佮意的「菜瓜開花」的唸謠，上課的過程當中，囡仔真緊就認捌唸謠內面「菜瓜」的語詞，內底有一句念謠是「一蕊花，一條瓜；一條瓜，一蕊花」，囡仔真佮意這句的韻調，讀起來嘛真好耍嘛真趣味，所以逐家嘛足認真咧學習這首唸謠。上介讚的是家長來佮阮分享，共囡仔轉去厝內底嘛會曉教????唸謠，真好耍。

照片說明：
用『咱的囡仔歌-菜瓜開花』的冊來起鼓，紹介冊內底各種青菜佮果子
練習用閩南語講出「我上愛食啥物？」
鬥陣用海報佮冊本練習唸謠「菜瓜開花」
聽著「菜瓜」佮「開花」的趣味遊戲活動，
有人扮演「菜瓜」有人扮演「花」，唸到詞句就愛徛起來。