112年12月 太陽班 活動歷程

這擺的課程我是用『阿媽的果子園』做開始，這本故事冊佮『佮阿公踅菜市仔』是相仝的作者，仝款攏真趣味！冊內底紹介阿媽種的各種果子，比論講有學校定定看著的｢蘋果｣、｢檨仔｣、｢弓蕉｣、｢菝仔｣…，嘛有較少看著的｢檸檬｣、｢枇杷｣、｢荔枝｣…，閣加上｢我欲食｣、｢我欲啉｣、｢足好食｣、｢足好啉｣…予囡仔位語詞認捌到整句的講法，增加對閩南語的興趣！我邀請囡仔做陣耍扮演遊戲，有的做頭家、有的做人客來對話按呢學習較有趣味！

經過頂擺的故事紹介，這擺囡仔真緊就認捌出冊內面佮進前是仝款的畫面，所以當我佇咧講故事的時陣，????攏足認真的聽，嘛攏會講出冊內底的內容，逐家嘛足投入佇咧故事內底。落尾做陣扮演頭家佮人客的遊戲，除了講出果子的語詞，嘛需要講出我欲食啥物？抑是我欲啉啥物？加上“偌濟錢？”予小朋友對錢佮數字嘛有較濟的認捌，猶毋過阮班上有小班的囡仔對錢就較無概念，需要大班的囡仔鬥相共算數，逐家攏耍甲真歡喜！

照片說明：
用『阿媽的果子園』做開始，紹介阿媽種的各種果子
逐家鬥陣來算數
練習我欲食啥物？抑是我欲啉啥物？
做陣耍扮演遊戲，有的做頭家、有的做人客來對話