人生在世，食上重要，所以咱講：「食飯皇帝大。」食飽後的清潔工作嘛真重要喔!
首先請逐家佮老師做伙唸-洗喙的囡仔歌:提齒抿仔，來洗喙，鑢懸鑢低，鑢來鑢去，齒縫的垃圾攏無去!逐工洗，袂費氣，清氣噹噹免驚蛀齒。
簡單講就是「洗喙有三步」:第一步.齒抿仔揾予澹->第二步.頂下內外鑢清氣->第三步.漉喙。

閩南語沉浸式教學目的是對日常生活中做起，紲落來阮佇例行性活動中教囡仔逐工中晝食飽就愛會記得去洗喙，予????知影洗喙的重要性。拄開始因為小班的囡仔毋捌聽過閩南語的用語，所以感覺真生份，甚至攏毋知老師咧講啥?但是經過老師的說明後，慢慢會當了解佮使用閩南語，甚至放學轉去講予厝內的大人聽，規家口仔聽了足歡喜，經過遮的活動，相信囡仔就會自然使用閩南語來表達了。

照片說明：
例行性活動/佮老師做伙唸-洗喙
囡仔表演:齒抿仔揾予澹-頂下內外鑢清氣-漉喙
逐家做伙來洗喙
情境布置-洗喙的順序