首先先講古予囡仔聽，提醒囡仔逐家做伙愛注意衛生，有勇健的身體，才會當認真學習，紲落來練習洗手五個步驟：沖予澹、抹雪文、洗清氣、捧水洗水道頭、拭予焦，予囡仔了解洗手的步驟，紲落來擱再來請囡仔排列夾點心，夾完點心後，咱攏愛捧碗沓沓仔行去家己的坐位上食點心，落尾，才閣請囡仔食飽後洗桌布去拭桌仔，養成好習慣。

最近病毒大流行，會感染大大細細ê人，預防上好的法度是保持清氣衛生，特別是雙手，對講古的過程，予囡仔了解為什麼愛洗手，尤其是若欲預防病毒，洗手著用雪文會加較有效，洗手是囡仔日常就會做的代誌，這一次特別再溫習正確的步數，希望囡仔逐家攏愛注意，咱愛維持好習慣，無論是家己抑是同學的健康，攏愛靠逐家骨力洗手，感冒的時，連鞭拍咳啾，連鞭流鼻水，上好的方法除了骨力洗手，閣來就是愛掛喙罨，保護逐家的健康。