112年11月 太陽班 活動歷程

這擺的課程我是以『佮阿公踅菜市仔』這本故事冊做開始，紹介予小朋友故事內容的語詞像是｢鐵馬｣、｢踅街｣、｢菜市仔｣…佮一寡菜名，冊內底上趣味是對蔬菜的形容，比論講｢高麗菜敢若一蕊花，青花菜嘛敢若一蕊花｣…；猶有一寡聲音的形容，親像｢阿公的鐵馬若像咧唱歌kinn-kuainn kinn-kuainn kinn-kuainn｣、｢瓜仔哖 瓜仔哖 kue kue kue kue 瓜仔哖｣…，遮的用詞佇囡仔學習的時陣，攏會當提高????的興趣，我除了紹介冊的內容佮語詞外，我猶有請囡仔家己講故事予逐家聽，逐家聽了攏真歡喜！

這擺我用卡濟時間佇咧講故事，一方面我希望逐家會當認捌出冊內面趣味的所在；另一方面我希望煞尾時????會當家己講出這个故事，無一定是全部表達，上無會當講五六成，按呢日後有閩南語的故事冊????就會當越有興趣欣賞！經過這段時間的課程，果然有一寡囡仔已經會曉講故事予逐家聽；大部分的囡仔嘛會曉講出故事內底的語詞，尤其是有聲音的語詞，逐家都會記甲足清楚，唸的時陣攏特別大聲，真正有夠古錐！

照片說明：
以『佮阿公踅菜市仔』這本故事冊做開始，紹介予小朋友故事內容
紹介故事內底的語詞予小朋友，煞尾小朋友家己找出菜名的圖卡
一个小朋友講菜名，兩个小朋友拿塑膠鎚仔看誰先揣著圖卡就佮槌落去
請小朋友家己講故事予逐家聽