112年10月 月亮班 中秋節活動

khai-ha̍k囉! ~~~這學期因為阮班有真濟3歲小班的囡仔，是頭遍離開阿母來學校讀冊，逐工透早就會吼袂煞擱騙攏袂恬，老師為著欲予莫閣哭矣，就來教逐家唱這首母語唸歌，希望攏會當歡歡喜喜來讀冊。【內容】:一二三，穿新衫。四五六，冊愛讀。七八九，毋通吼。歡歡喜喜來學校。
紲落來是中秋節，老師介紹過節的故事佮好食的月餅、文旦柚，閣有教囡子柚子貼畫，尾手切月餅分享予逐家食，小朋友攏食甲真歡喜。

佇咧教閩南語的過程中，教囡仔歌是真好的方式。因為對細漢囡子來講，有真濟話語????聽攏無，加上閣吼袂煞、騙袂恬的時陣，放囡仔歌予聽，毋但會恬去閣會綴咧唱，比老師佇遐大聲喝:「恬恬！毋通吼！」會有閣較好的效果。
聽候囡仔適應學校的生活了後，阮才會佇日常作息活動中教講閩南語，予囡仔感覺學閩南語是一件真趣味的代誌。

照片說明：
佮老師做伙唸-123穿新衫/小朋友練習講
老師紹介中秋節/小朋友切月餅予逐家食
好吃的月餅/囡仔表演~123穿新衫
情境布置/柚子貼畫