112年10月 白雲班 運動埕

這个月開始為下个月的運動會做準備，走運動埕是逐工攏有的活動，佇欲走進前，阮會帶著小朋友做熱身，親像：頭殼轉、雙手轉、腹肚邊扭扭、開合跳，那做動作那練習用台語講出來，過程中會佮囡仔講：「準備好矣袂？」「1、2、3，準備開始！」「愛走一輾」「散開，注意安全！」
另外，阮嘛練習和運動相關的閩南語念謠【做運動】，予小朋友鬥陣唱歌跳舞。
◎念謠【做運動】：做運動上健康，毋愛振動，會變憨憨，古錐的頭殼，踅踅玲瑯，動動腳手，上蓋快樂，這邊踅過去，彼邊踅過來，骨頭振動，輕輕鬆鬆。12345， ONE MORE， TWO MORE，予你變做世界上勇。

白雲班小朋友逐工攏去走運動埕，運動會嘛是全校性的大活動，所以運動埕逐工攏有人咧運動，加上112年全國運動會佇咧台南舉辦，這站逐家攏沉浸佇運動的氣氛中。白雲班小朋友對運動真熱情，老師引導小朋友練習講的台語嘛真簡單，所以小朋友誠緊學會「運動」「運動埕」「運動會」等等佮運動相關的台語。教室內有貼唸謠海報，小朋友足愛一字一字綴咧念，除了聽和講以外，無形中小朋友嘛開始接觸台語字詞，是誠好的學習機會。

照片說明：
運動兒歌海報和圖書
小朋友逐工攏去走運動埕
小朋友做熱身
小朋友足愛一字一字綴咧念