112年12月 白雲班 活動歷程

幼兒園逐工攏會提供水果，阮利用食水果的時間，和小朋友做伙練習講各種水果的講法，阮嘛用語句練習圖卡「我上愛食的果子」，練習黏貼水果詞卡，另外嘛有提供故事冊「阿媽的果子園」，裡面介紹蘋果、弓蕉、菝仔、葡萄、檸檬、王梨、西瓜等水果，對故事冊中也學著數字1~10、水果的輕重、足好吃、酸、甜、這是啥物等等的講法，班上的借冊活動，也提供小朋友將故事書帶回家和厝裡的人做伙看。

小朋友逐工攏會食著水果，對常常接觸到的水果，親像：西瓜、蘋果、弓蕉等，小朋友攏已經了解講法，透過故事冊「阿媽的果子園」，除了複習以外，小朋友猶學著葡萄、王梨、檨仔、枇杷、荔枝等季節性水果名。上特別的是，有的小朋友會借台語故事書轉去厝和厝裡的人做伙看，家長也會錄影予老師看，做伙看冊練台語相當趣味呢！真濟小朋友佮意做小老師，講故事冊予其他小朋友聽，平常時小朋友也會主動來掀故事冊，主動學習的氣氛有夠讚！

照片說明：
句子練習圖卡和台語故事冊
小朋友會借故事冊回家和家人做伙閱讀
小朋友佮意當小老師講故事冊予其他的人聽
小朋友也會主動來掀故事冊和貼詞語卡